Rumah Adat Karo
Ke halaman depanTentang KamiLayanan KamiHubungi KamiEmail GratisRuang NgobrolMilis TanahkaroDownload ProgramLinks

 

PERMULAAN TITIK TERANG (KARO-PERSPEKTIF)
Oleh: Malem Ukur Ginting (Swedia)

Dikutip dari Master Hipnotis, 20 Juli 2001

 

Nasib kalak Karo
Soal kerja-sama/persatuan

Badan kekuasaan

Karo-perspektif

 

Nasib kalak Karo
Meganjang sura-suranta, tapi pagit nasib ibaba. Enda me bagi sada kontradiksi, tah enda banci ka nge labo kontradiktif, sebab banci i nehen alu erbage-bage sudut pemikiren. Tah la kabo salah adi sikataken bagenda: adi la pagit nasib ibaba tah la kabo meganjang sura-suranta. Ugakin nasib kalak Karo? 

Nasib kalak Karo tentu la terpisahken ras watak ras sifat-sifat kalak Karo. Kalak Karo la nggit subuk, la merhatsa ncidahken bana tahpe teridah/terkenal, percaya diri sangat tinggi, pergelut, pendirian keras sehingga kaku etc. Tah watak enda nge nentuken nasibta, sebab ibas Dibata nari bali nge kapken kerina jelma, Karo tahpe Gayo, Dayak tahpe Batak, Papua tahpe Saparua. 

Ibas permulaan suku Karo, ibas pembawaan panglima perang si ergelar panglima Karo teridah me asal-usul watak alamiah kalak Karo. Panglima Karo sebagai panglima perang ras kepala suku berusaha mempertahanken existensi ras kelanjutan hidup sukuna, melawan alam bagepe melawan kerina raja/panglima sideban, sisada tanpa sekutu alias single fighter, sifat si asa gundari pe isenangi kalak Karo. Kerajaan besar kalak Karo, kerajaan Aru (Haru) pantai Timur Sumatra jadi sasaran kerina kerajaan sidebanna terutama Acih. Single fighter kerajaan Aru la kuat ertahan, runtuh, rayatna menderita talu perang, terdesak, melala ka terpaksa ngungsi ku Acih/Gayo, Singkel, ku gugung nangkih deleng ku ’Taneh Karo’ ras ingan marpar sidebanna. 

Ibas zaman penjajahen, Sebayak/Datuk Sunggal merga Karo-karo Surbakti, manusia pertama Indonesia ngelawan Belanda menentang penebangen hutan di daerah Karo-Jahe (Deli). Man Belanda penebangan perlu untuk membuka perkebunan tembakau. Datuk Sunggal berperang selama 25 tahun (1877-1902). Ahirnya tertangkap dan dibunuh oleh tentara Belanda di Seberaya tahun 1902 (dari bulletin Karo di Eropah SIBUATEN edisi feb 2001). Ahli sejarah Indonesia sengaja ngelupaken masa sejarah ras kejadin penting enda, kalak Karo pe sinek, sesuai dengan watak pembawaan, la nggit subuk. 

Ibas perang kemerdekaan kalak Karo ikut erperang kerina, kerina ikut ngelawan. Emaka nina Bung Hatta kerina kalak Karo si nggeluh tahun 1947-1949 adalah pahlawan nasional (bulletin SIBUATEN) gia labo melala si ndat gaji veteran, sekali nari sebab kalak Karo la nggit subuk. Jarang suku bangsa si bagenda sikap ras watakna, pembawaan secara alamiah sejak ratusan/ribuan tahun, gia ibas soal perjuangen kemerdekaan enda tah lit ka nge pengaruh semangat kemerdekaan ’Bapa Rayat Sirulo’ bung Karno. Tah pe mungkin lit ka nge payona bagi si ikataken Guruh Sukarno i Berastagi wari Minggu tanggal 10 Juni 2001 sangana peletakan batu pertama pembangunan manumen Bung Karno, nina Guruh: ”Ikatan emosional Bung Karno dengan masyarakat Karo sangat dekat sehingga ajaran-ajaran tokoh proklamator dan Presiden RI pertama itu, sampai saat ini masih tetap berakar dan melekat dihati sanubari seluruh rakyat Karo.” (Waspada 11 juni 200, penekanen dari MUG).

Ibas contoh-contoh siterbatas enda si idah me kapken jelas kelebihen bage pe kekurangenta sebagai manusia Karo. Uga kelebihen-kelebihenta mereken kesan positif man banta janah mereken dampak besar positif ibas perkembangen Indonesia, bage pe uga kekurangenta/kelemahenta si enggo mereken dampak negatif man banta. Lenga pernah kalak beluhta mereken penjelasan tah pe pendidiken man anak-anak sekolahta bagepe man banta kerina soal si enda. Gundari me kuakap enggo waktuna man banta kerina, terutama ibas masalah sejarah perkembangen ras perjuangen kalak Karo ras kerina daerah kalak Karo (ula terbatas kabupaten Karo), gelah kerina si metteh sejarah ngarahken usaha nggali kebenaran perjuangen ras perkembangen sejarah kalak Karo, mereken informasi man banta kerina kalak Karo bage pe Indonesia. Usul konkrit ijenda sibanci sibahan emkap bentuk semacam badan (team) penggali sejarah perkembangen ras perjuangen kalak Karo. Sekalak-sekalak kita tah la bo ndauh banci erdalan.

Kepatrioten kalak Karo labo teraguken. Perasaan nasionalisme meganjang. Istilah nasionalisme enda adi i Eropah (pandangan kalak barat) termasuk tabu, sebab isejajarken ras nasionalisme fasis Hitler Jerman. Bage ka pe pandangen negatif terhadap istilah ’etno-nasionalism’, istilah baru ciptaan antropologi barat. Tapi nasionalisme Indonesia mbelin ertina man banta ras man perjuangen Indonesia, enggo mereken arti besar man perjuangen kemerdekaan, mereken semangat persatuan dan semangat perjuangan ngelawan kekuasaan kolonial. Bagepe ’etno-nasionalisme’ Karo gundari mbelin ertina man banta kalak Karo, mbelin ertina man perkembangen Indonesia ibas zaman globalisasi enda. Demagogi pancasilais ’persatuan dan kesatuan’, ’SARA’, ’kepentingan bangsa’ dsb dari doktrin fasis Suharto harus dibuang, karena istilah-istilah ini dipakai hanya untuk menyesatkan, telah berfungsi menyesatkan serta menanam api dalam sekam sehingga telah menjatuhkan korban banyak (perang etnis), bukan hanya di Indonesia tetapi diseluruh dunia (istilah-istilah yang sama juga dipakai dibagian lain dunia dinegeri-negeri fasis/diktator). 

Soal kerja-sama/persatuan
’Etno-nasionalism’ adalah bentuk rasisme yang baru, kata sebagian antropolog barat. Bukan hanya mereka berkata demikian, tapi semua bekas-bekas diktator di blok barat maupun diblok timur sudah berkata demikian. Perlawanan terhadap kekuasaan diktator dalam bentuk ’etnonasionalism’ berkobar di mana-mana. Para diktator kalah dan negeri-negeri ’etnonasionalism’ berdiri sendiri dan diakui dunia. 

Perlawanan suku-suku bangsa terhadap pusaka ketidak adilan sang diktator di Indonesia belum selesai, walaupun sudah menjatuhkan korban banyak. Proses masih berjalan. Globalisasi mempertajam kontradiksi, tidak mungkin memperingan, karena kapital global tidak urusan sama ’etno’ atau daerah. Pertahanan terahir kaum ’etno’ hanya etnonya sendiri dan di daerahnya sendiri. Tidak ada jalan lain. Kenyataan ini bisa kita lihat semua. Karena itu perkembangan serta pandangan terhadap nasionalisme dan etnonasionalisme di barat tidak sama dengan di bagian lain dunia. Disini sudah terbukti bahwa etnonasionalisme adalah bentuk perjuangan rakyat membebaskan diri dari dan melawan ketidakadilan nasional dan mempertahankan diri dari desakan internasional/global serta perjuangan untuk demokrasi, bukan bentuk baru rasisme. 

Bage me maka perlu si perdalam pemetehta soal ’etno’ Karo, labo ngenca perbahan enda la salah tapi perbahan enda kapken bagi si terpaksa. Globalisasi enda. Pertahanen terahirta ijenda me. Adi si nehen alu pandangen nasional Indonesia, enda me differensiasi ras integrasi kerina suku bangsa. Memperdalam differensiasi ertina memperdalam pemetehta ras kecintaanta man Karo, daerah Karo, sejarah masyarakat ras sejarah perjuangen kalak Karo. Semakin mendalam pengetahuan dan kecintaan terhadapa Karo berarti semakin mendalam differensiasi, berarti semakin tinggi kualitet kebebasenta sebagai kalak Karo ngadapi suku sideban/Indonesia. Jadi arus pokokna ibas hubungenna ras integrasi secara nasional emkap kebebasen setiap suku, kebebasan atas dasar pengetahuan yang mendalam atas setiap suku (terutama suku sendiri), yang pada gilirannya akan melahirkan pengakuan, saling respek dan saling menghargai antara suku-suku bangsa. Enda me syarat utama memperluas integrasi, memperluas kerjasama ras kerina suku sideban, sindeher bage pe sindauh, enda me syarat utama persatuan. Kerjasama atau persatuan harus atas dasar kebebasan dan pengetahuan, atau integrasi ras differensiasi emkap kesatuan dialektis si la banci ipisahken. 

Ibas pengalamen pagit si enggo lewat si idahme kapken uga jadina integrasi (kerjasama) tanpa differensiasi. Tanpa dasar kuat differensiasi labo mungkin integrasi erdalan secara adil, sebab kita banci terlebur janah kepentingenta sebagai Karo ras daerah Karo lanai tersinggung, ertina kita mombak terbaba arus bagi si enggo lewat, kita lebur ibas arus ’kepentingen bangsa’ Orba/Golkar, tahpe kita itindas demi ’persatuan dan kesatuan’ Orba bagi si enggo pernah ikataken bupati Sinar Perangin-angin: ”Malah di masa orde baru terdapat dua juta rakyat Karo di Indonesia sengaja ditindas karena jika rakyat Karo bangkit baik di eksekutif, legislatif, yudikatif, BUMN, BUMD termasuk parpol, ormas, LSM dan OKP, maka mereka beranggapan identik bangkitnya ajaran marheinis Bung Karno (Waspada 11 juni 2001, penekanan dari MUG). Ijenda nari maka banci me sitarik kesimpulen gelah ’Pagit nasib ibaba’ enda sibahan jadi pelajaren, ula nai si ulihi, ertina cara berpikir ras cara perjuangenta terpaksa nge siubah, sinehen mulihi janah sipelajari kelemahen-kelemahenta janah sikembangken kelebihen-kelebihenta si enggo lit terbaba secara alamiah si enggo terbukti mbue ertina man banta bagepe man perkembangen bangsanta ras dunia. 

Pemeteh + informasi – enda me senjata si kerina kita perlu njemaksa. Pemeteh bagepe informasi, enda me senjata utama ngadapi perkembangen zaman enda, ngadapi globalisasi enda, la lit senjata si ulin. Pemeteh soal suku ras daerahta, soal bangsanta ras negerinta Indonesia bage pe perkembangen dunia, pemeteh professional ibas kerina lapangen ilmu/kehidupen terutama teknik, ekonomi, sosial-kemasyarakatan (penting ijenda pengetahuan tentang suku-suku sideban) bage pe tentang ketahanen lingkungan (alam), enda me siperlu man kalak Karo, enda me si perlu man setiap suku/daerah, enda me si perlu ibas proses perkembangan ras masa depan Indonesia bagepe dunia ngadapi tantangen raksasa global. La lit alat tah pe dalan sideban. 

Badan kekuasaan
Ibas dunia ke 3, dunia berkembang bagi Indonesia, pang nge kita narik kesimpulen, umumna badan-badan legislatif, eksekutif ras yudikatif buen persamaanna asangken perbedaanna. Parpol tah pe jelma si berjuang ndat keduduken ibas badan enda bali kerina tujuan pertamana (gia lit kekecualian tapi labo melala) emkap keduduken ras kesempaten pebayak diri. Man kalak enda labo beda eksekutif, legislatif tah pe yudikatif. Bali nge kerina, apaipe labo erndobah gelah dat, sebab erlau nge kerina. Emkap maka banci sikataken badan-badan enda ’la lit bedana’. Bageme ibas zaman Orba, bage denga nge gundari. Ugakin perbedaan badan-badan enda i kabupaten Karo? Uga nina kalak Karo i takasima? 

Gundari zaman reformasi ninta, kai kin bedana? 
Ise kin mbarenda si jadi pelopor/pejuang reformasi njatuhken diktator Suharto? 
Gerakan revolusioner mahasiswa, dipelopori mahasiwa revolusioner berkesedaran demokratis anti fasis/militer. Cita-cita gerakan adalah murni untuk kepentingan bangsa, bukan seperti sekarang, elit politik beramai-ramai mau menggulingkan Wahid dengan alasan ’kepentingan bangsa’ yang sama sekali bukan kepentingan bangsa, karena jelas elit politik yang berusaha menggulingkan Wahid, menginginkan kekuasaan yang lebih besar demi perlindungan KKN yang sudah terlalu besar selama Orba maupun sekarang. Perjuangan kekuasaan di pusat mempunyai epicentrum KKN, tenaga penggeraknya KKN. Orba, benang nyawanya adalah KKN, karena itu boleh dikatakan perjuangan kekuasaan di pusat sekarang adalah perjuangan antara Orba/neo-Orba dengan gerakan revolusioner reformasi, artinya masih dalam proses kelanjutan perjuangan reformasi. Proses sibagenda enggo erdalan i kerina daerah, sangana erdalan tah pe mungkin masih terus akan berjalan. Tapi proses perjuangen enda gundari bagi si ipusat seakan-akan enggo diambil alih kaum elit, bage pe isetiap kabupaten, terutama karena mereka sekarang sudah mendapatkan posisi kekuasaan. 

Payo nge adi sikataken tugas DPRD sebagai badan legislatif/pembuat UU harus mengontrol jalannya badan eksekutif, tapi asakai pemeteh anggota soal tugas enda ras asakai kewajiben si idalankenna, enda me si usur jadi persoalen, enggo bage ibas zaman Sukarno, bage ibas zaman Suharto janah bage me gundari pe ibas zaman Gus Dur zaman reformasi, lagu ras sora kalak legislatif lenga bo si idah perubahenna secara jelas, kai ka ngataken perubahen radikal. 

Kelahiran posisi elit atau keduduken kaum elit di pusat maupun di daerah memungkinkan pergeseran sementara pemusatan gerakan. Enda me sada bukti, perjuangen sosial enda usur nge berkisar disekitar kekuasaan/keduduken, dimulai dengan kekuasaan dan diahiri dengan kekuasaan, la tergantung nggit tah lahang kita merdiatekenca. Kekuasaan enda ka me pagi si ipake memperjuangken kepentingen rayat tah memperjuangken kepentingen kalak elit saja. ’Aku enda memperjuangken kepentingen rayat’ ningku, adi la lit posisi/keduduken/kekuasaan labo pagi mbue ertina ibas pelaksanaan, sebab kai si kusura-suraken banci nge mis isabot alu alat kekuasaan. Emaka kekuasaan me enda pelaksana situhuna. Badan eksekutif ninta i takasima. Adi gia ndai perjuangen enda ibas tan pelopor/mahasiswa nari enggo ergeser ku badan eksekutif/kekuasaan tapi ibas zaman reformasi enda enggo me melala perubahen baru si la ternilai ergana, emkap suasana demokratis si enggo berlaku iseluruh negerinta, berkat jerih payah mahasiswa pelopor pejuang reformasi. 

Adi nai la kap kita banci buka mulut kai pe si ibahan kaum penguasa. Gundari enggo lit kebebasenta ngerana, nulis ras nganalisa sendiri persoalen, enda me si gunaken, si manfaatken ula kita ’la nggit subuk’ ertina kita kerina terpaksa nge nggit subuk adi masalahna enggo menyangkut masalah keadilen ras kesejahteraan rayatta, masa depan takasima ras kerina kalak Karo bagepe negerinta Indonesia. Pengalamen pagit masa lewat erkiteken kita ’la nggit subuk’ bagi pengalamen kalak Dayak, enggo me cukup. Si kurang denga kuakap emkapSekolah Hipnotis, tahpe ingan/media nuriken ras mereken pendapat man kalak enterem ibas kalak enterem nari. Tah banci ibahan sada papan besar (dingding mbelang) ingan plakat umum nempelken pendapat rayat i lebe-lebe kantor bupati, bage pe koran resmi ’penerangen’ ibas pihak eksekutif nari njelasken secara transparan dan gampang dimengerti kai si ibahan ras si la ibahan kalak eksekutif i takasima. I Eropah bage kape i piga-piga daerah i Indonesia enggo me si idah lit web site pemda, ije banci si idah kerina info tentang daerah, berita kemajuan/pembangunan si mereken semangat man rayat, percibal daerah e ibas mata internasional, bage pe banci ka lit kemungkinen dialog interaktif. Tah bagenda pe mehuli nge gundari ibahan, sada bentuk kelanjutan proses reformasi ras proses peningkatan kualitet demokrasi si enggo mulai erdalan i takasima bagepe i Indonesia. Tah bagenda me cara simehulina erlajar erdemokrasi ibas masalah politik, masalah si la banci lahang menyangkut kepentingenta kerina, anak-anakta ras masa depan takasima bagepe Indonesia. 

Salah sada kelemahen alamiah demokrasi nasional emkap kesalahen pembawaan ibas sistem kepartaian, ertina kalak eksekutif ras legislatifna memiliki partai yang sama (berasal dari satu partai). Anggota legislatif dari partai berkuasa (yang menjalankan eksekutif) selalu bertendensi membela tindakan badan eksekutif karena mereka berasal dari satu partai atau dengan perkataan lain, kepentingan partai akan selalu didepan. Enda me kesalahen pembawaan (sejak lahir) demokrasi nasional. Ibas negeri-negeri berkembang bagi Indonesia itambah ka alu kesalahen si lebih parah – anggota legislatif ’la metteh tugasna’ tah pe ’la ndalanken tugasna’ bagi seharusna, bagi si enggo usur si idah i Indonesia, bage nai nari bage denga asa gundari. Dua kesalahen penting demokrasi nasional enda, man banta kalak Karo patutme jadi tugasta ndarami solusina. Bangga me kita adi banci simulai i takasima! Ugakin mulaisa?

Karo-perspektif
Sifat alamiah kalak Karo sebagai manusia introvert melala positifna bage pe negatifna. Sebagai pembawaan introvert, kita usuren ngenehen kedalam asangken keluar, beluhen kita ngidah ras ngataken segi-segi negatifta asangken segi-segi positifta. Enda kerina me kita enggo mettehsa, usur si singetken, usur si salahken banta. Kita kalak ACC, kita kalak pendendam, single fighter etc.etc, kerina kekurangenta usur si salahken man banta. Enda me sifat introvert, sebalikna kalak extrovert jarang sibegi nalahken bana, tapi biasana nalahken kalak sideban. Biasa ka nge si begi ’mate me aku kadih’ nina pernandenta. Adi kalak extrovert ibas masalah yang sama erkata: ’matilah kau’. Jelas bedana, yang pertama ekspresina ’kedalam’ (aku), yang kedua ekspresina ’keluar’ (kau). Perdiaten kalak Karo ras kalak Batak, tahpe kalak Melayu/Dayak ras kalak Madura. 

Kalak sideban la sianalisa ijenda, tapi si cuba me ngenehen mulihken sifat-sifatta sebagai kalak Karo si la erngadi-ngadi ngeritik diri. Ugakin katepna sibegi sifat-sifat positif kalak Karo ibas kalak Karo nari, misalna sifat jujur si berakar mendalam secara alamiah ibas jiwa kalak Karo?

Sifat-sifatta si ngenehen watakta secara berat sebelah, enda bicara ugapape lit ka nge dampak negatifna, tapi pasti lit ka nge positifna adi si nehen alu pandangan dialektika, ertina ndarami cara uga ngubah si negatif jadi positif. Dampak negatifna emkap, adi kekurangenta ngenca si idah tentu enda la mendorong semangat, bahkan menekan atau mematikan semangat. Enda pengaruh psikologis si la terhindarken, pengaruh psikologis si mbelin ertina man nasibta, perdalanen sejarahta ras masa depanta, sedar tah lahang kita. Positifna emkap, adi siukuri sitik nari lebih mbages, enda situhuna pencerminen kejujuren yang mendalam watak kalak Karo, sifat enda berarti melapangken jalan man banta, pengisian sifat-sifat kemanusiaan yang lebih berkualitet, sebab enda berarti kita ngakui secara sedar dan jujur kai sienggo jadi kekurangenta, janah enda me syarat penting si memungkinkan perkembangan/kemajuan ibas kualitet cara berpikirta bage pe tingkat pemetehta. Enda ertina kita mbuka pintu kemungkinan perkembangen, sebab adi la siakui kekurangenta tentu lanai bo lit kemungkinen perkembangen, ertina pintu perkembangen enggo tertutup. 

Tapi syarat penting bagepe kemungkinen enda lalit ertina adi la siaktifken, adi cuma silewatken saja la siperdiateken. Siaktifken ertina si isi kekurangenta e alu pemeteh siperlu si itambahken bagepe sifat-sifatta/keterampilenta siperlu ipehuli. Enda termasuk sada kunci penting man banta kalak Karo ibas perkembangen/kemajuan. Masalah enda enggo me mulai kita ngidahsa janah ndalankenca. Syarat-syarat pembawaan berkualitet tinggi menghadapi perkembangan dan kebenaran berjangka panjang, enggo lit ibas kalak Karo. Enda pe banci nge si idah adi siperdiateken janah sipelajari mulihken uga lagu-langkahta menghadapi era diktatoris Orba, banci ka si perdiateken tahpe sipelajari mulihken uga suku-suku si deban ngadapi diktator Suharto, apai si carana bagi kalak Karo. Pikiren berjangka panjang bagepe pendirian ras keyakinen akan kebenaran berjangka panjang, enggo terbukti lit hasilna. Gundari sifat-sifat pembawaan si mehuli e saja lanai kuakap cukup. Tapi sifat pembawaan simehuli + keaktifan pehuli kekurangenta - enda me si menentuken nasibta selanjutna!

Adi ngerana kita gundari soal demokrasi (nasional), tah enggo me ketadingen sitik, tahpe la mungkin lengkap, adi la si nehen hubungenna ras situasi internasional si gundari berlaku. Demokrasi nasional i Indonesia la nai bo mungkin mengikuti proses sejarah demokrasi nasional i Barat tahpe negeri-negeri si enggo maju. Kita nggeluh gundari ibas era globalisasi, demokrasi nasional enggo me ibas perdalanen menuju stasion terahir, enda enggo muncul demokrasi internasional - demokrasi gelombang ke 3 - tingkat selanjutna perkembangen demokrasi dunia, setelah demokrasi gelombang ke 1, demokrasi langsung di Junani lebih dari dua ribu tahun si enggo lewat, dan demokrasi gelombang ke 2 - demokrasi nasional yang sedang dalam perjalanan menuju museum, gia tah mungkin lebih cocok adi sikataken demokrasi gelombang ke 3 enda demokrasi dalam tanda kutip ’d’ sebab lenga bo sitteh uga nge enda pagi jadina ’demokrasi’ enda.

Mbue me gundari keputusen tah pe peraturen la nai itetapken secara nasional, tapi igodok secara internasional tanpa setahu badan-badan nasional suatu negeri, tapi banci berlaku i dunia dalam tingkat nasional. Ijenda me ketadingenna demokrasi nasional enda. Ijenda me permulaan proses berahirna demokrasi nasional enda. Ijenda me permulaan berlakuna demokrasi gelombang ke 3, demokrasi ibas zaman globalisasi, zaman si enggo mendesak ras membangkitkan setiap plosok dunia (ethnic revival). Ethnic revival emkap respons wajar menghadapi desakan globalisasi. Ijenda termasuk ethnic revival kalak Karo bagepe suku-suku bangsa sidebanna i Indonesia, bagepe suku-suku bangsa sidebanna i seluruh dunia, proses si enggo njatuhken korban melala.

Kalak Karo beluh erdemokrasi, sebab lit tradisi demokrasi secara alamiah ibas runggun rakut sitelu tutur siwaluh, demokrasi horizontal dengan sistem hierarki kolektif bergilir dan adil. Tapi masalahna cuma soal keluarga, masalah kade-kade sindeher tah pe si ndauh, tahpe anak kuta, ertina masalah kepentingen si la mbelinsa, masalah si banci tahpe terpaksa iselesaiken alu aturen adat. Kai kin kita si lenga beluh emkap uga praktek demokrasi adat enda ibas lapangen politik, ertina adi enggo menyangkut kepentingen si galang, daerah tahpe bangsanta. Tapi adi demokrasi adat enda mehuli kin, engkai maka la banci ipake ibas masalah si mbelin pe (takasima) adi si runggu pe kerina kalak Karo nge? Kai kin halangenna? 

Runggu demokratis ibas adatta beluh nge kita kerina kalak Karo. Si la beluhpe terpaksa nge maun-maun pebeluh bana adi ia golongen anak beru si terpaksa encidahken kewajipen ras tanggung-jawabna sebage anak-beru tahpe anak-beru menteri runggun. Ijenda anak beru terpaksa nge ’nggit subuk’ ngalo-ngalo ras ndungi kerina persoalen si enggo pasti jadi tanggung jawabna janah enggo pasti bertanggung jawab penuh ia ndalanisa, la ngukurken kepentingenna, tapi ngukurken kepentingen kalimbubuna ngenca, ertina kepentingen sukut simada kerja. Sifat pengabdian dan pembawaan bertanggung jawab semata-mata demi kepentingen kalimbubu (ijenda berarti sukut simada kerja), tetapi adil dan demokratis, bagepe transparant man kerina, senina/sembuyak bage ka pe kalimbubu. Sifat-sifat anak-beru enda me kapken si mbelin ertina ibas adatta, janah sifat-sifat enda me si perlu sikembangken ibas zaman modern enda pe, enda dasar si mehuli janah perlu man pedoman kerja tiap kalak Karo ibas ngadapi zaman si gundari enda. 

Banci nge kuakap sibahan persamaan aturen rakut sitelu ibas politik pe:

Kalimbubu     : Takasima.

Anak-beru      : Anak-beru-pekerja - badan eksekutif.
                        Anak-beru pengawas - badan legislatif.
                        Anak-beru hukum - badan yudikatif.

Senina/sukut  : Rayat, kerina kalak Karo.

Bagi si enggo metteh kita kerina, ibas adatta tugas ras kegiaten anak beru-enda me si nentuken perkembangen, tambah jore tah tambah rontang kerja e, tambah sikap tah tambah rayong jabunta ibahanna. Adi la erdalan pekerjaan anak-beru enda, si ittehkap uga jadina ibas adatta. Perkembangen sibagenda pasti ka nge bage ibas masalah politik enda pe. Enggo me si idah uga jadina ibas pemerintahen Orba, uga jadina ras akibatna tugas anak-beru e, uga jadina nasib kalimbubunta Indonesia. Anak-beru Orba (badan eksekutif, legislatif, yudikatif Orba) la bertanggung-jawab, la transparant, la demokratis, la adil, tugasna si idalankenna emkap: pebesur bana alias KKN ras mengabdi kalimbubu, tapi netapken kalimbubuna pe salah, labo Indonesia tapi sang diktator. Senina/sukut pe labo rayat tapi Golkar/militer. 

Anak-beru Orba enda enggo mereken nasib la mehuli man banta kerina, bage man sibiak senina/sukut (rayat) bagepe man sibiak kalimbubu (negerinta Indonesia). Nasib si bagenda enggo me cukup man banta kerina. Ula nai siterusken, ertina ulanai sipediat anak-berunta pegalang beltek la ngukuri sibiak kalimbubu bagepe man sibiak sukut simada kerja – rayat. 

Sifat-sifat tradisi simehuli ibas anak-beru Karo enda me si praktekken i takasima, simulai i takasima, mbera banci njangkit jadi pembawaan anak-beru Indonesia bagepe dunia. Enda mungkin, sebab enda perkembangen si mehuli, alu dasar simehuli ka. Tapi enda me man tantangen man banta kerina kalak Karo sebage anak-beru, sebab bagi si enggo sikataken idatas, perkembangen ras hasil proses runggu e sepenuhna tergantung man kebijaksanaan anak-beru (badan eksekutif sebagai anak beru-pekerja, badan legislatif sebagai anak beru-pengawas, badan yudikatif sebagai anak beru-hukum), bage ibas adat janah pasti bage ka nge ibas politik, ertina ibas menghadapi takasima tahpe Indonesia sebagai kalimbubu, ras rayat sebagai sukut simada kerja.

Kai kin si banci tah pe si terpaksa ibahan senina/sukut (rayat) adi anak beru enda la erlakon, la njoreken tapi ngerontangi? Uga kin enda ibas kerja adat?

Ibas kerja/runggu adatpe, kita simada kerja, sibiak senina/sembuyak/sukut labo kapken banci sinek saja ernehen adi anak-berunta la erbahan sikap kerjanta, kai denga ka adi erbahan rontang. Bage ka pe ibas masalah takasima enda, adi anak-berunta (anak-beru pekerja, anak-beru pengawas, anak-beru hukum) laguna cuma nerusken ngikuti lagu anak-beru Orba, uga kin ninta sibiak sukut simada kerja enda, banci kin kita sinek saja nutup mata bagi ibas zaman Orba? Kalimbubunta gundari lanai bo sang diktator, presiden, gubernur tah pe bupati, tapi takasima. Sukutpe lanai bo Golkar tahpe militer tapi kalak Karo, rayat - ertina kerina kita enda, kerina lapisen masyarakat: pemuda-pelajar-mahasiswa, pedagang kecil/besar, kalak perjuma bagepe buruh/pegawai, kalak kuta begepe kalak kota, kerina lalit si tading. Ijenda me kita kerina ersada sebage sukut simada kerja, sada kalimbubu ras sada anak-beru. 

Sebage sukut simada kerja, lanai banci kita sip adi anak berunta ngerontangi kerjanta/jabunta, la njoreken. Tapi sebalikna pe terpaksa ka nge kita ngalo-ngalo ras muji anak-berunta adi mehuli banna kerja e, sesuai ras kuan-kuan adatta, metami man anak-beru. 

Enggo ndai si singetken syarat-syarat pembawaan si merandal si enggo lit secara alamiah ibas kalak Karo, syarat-syarat pembawaan berkualitet tinggi, sifat-sifatta simehuli sebagai kalak Karo – pikiran berjangka panjang bagepe pendirian dan keyakinan akan kebenaran berjangka panjang, si melapangken jalan janah memungkinken perkembangen, ras sistem demokrasi pembawaan ibas adat. Duana syarat-syarat enda la kapken ternilai ergana man banta kalak Karo. Sikombinasi janah sipake duana. Simulai ijenda, simulai i takasima! Sipebelang ku negerinta – Indonesia!

Mejuah-juah kita kerina
Malem Ukur Ginting
Swedia, musim panas 01

Copyright ©2002 SalahKetik.Com
Tanah Karo Simalem Home Page

 


Holistic Solution Center | Hypnosis Association | EFT Indonesia | Psikoterapis | Bawah Sadar | Belajar Hipnotis | Layanan Hipnoterapi | Belajar Hipnoterapi | Buku Hipnotis Gratis | Hypnosis Training | Organisasi Hipnosis | Master Hipnotis | Solusi Salah Ketik | Fakir Magic | Sekolah Sulap | Psikologi Indonesia | Terapi Musik | Aktivasi Otak | Neurotherapy | Pengobatan Herbal | Artikel Kesehatan | Pakar Seks | Terapi Seks | Master Seks | Obat Ejakulasi Dini | Perusahaan Furniture | Master Indonesia | Toko Barang Antik | Terapi Tertawa | Beasiswa & Lowongan Kerja | Kota Jepara | Pelatihan Internet Marketing

 

1